القيمة
قيمة الانسان في حد ذاتها كبيرة للغاية خاصة في
شعوره بينه وبين نفسه.
وهي من اجمل المشاعر التي يشعر بها، والاجمل انه يكمل مسيرته في المزيد منها في مراحل حياته، فيشعر انه ذا قيمة انسانية علي هذه الارض كبيرة للغاية، يشعر ان تلك القيمة بينه وبين نفسه تزيد يوما فيوما .
والقيمة ..!
هي انك تكون عضو فعال في هذه الحياة، ان تكن حي ولك وجود فعلي.
انك تقدر قيمة وجودك نفسها تقدر انك انسان اولا ومن ثم تقدر انك لك واجبات ملزمة منك.
 |
| الروح المسلوبة الجزء الثامن |
كلهم : اهلا بيك يا عمر .
عمر: انا طالب في كلية هندسة بس دلوقتي طبعا مش بروح ومش منتظم.
انا انسان فاشل بمعني الكلمة مفكرتش اني اعمل حاجة صح في حياتي، طول عمري حد فاشل في الدنيا، محدش راضي بيا ولا بوجودي .. محدش مقتنع بيا.
اذا كنت انا نفسي مش مقتنع ..!
كنت ديما بعمل مشاكل مع بابا واختي ..
بابا ديما كان بيفضل اختي عني لانها زيه بتسمع كلامه ودماغها زيه، انسانة ملتزمة ومجتهدة مش فاشلة زي، علي فكرة مش بحقد عليها بالعكس اتمني ليها الخير، بس انا مش زيها.
في يوم اتخانقت مع بابا وطلعت بره البيت
وقعدت في كافيه واتصلت بواحد صاحبي وقولتله اني سبت البيت وصاحبي اخدني وعشنا مع
بعض.
انا كنت اه فاشل بس عمري ما كنت اوصل لمرحل اني اشرب سجارة، وللاسف انا بقيت مدمن، صاحبي كان مدمن برده وبيشرب، فجأة في مرة واحنا قاعدين لقيته طلع الحاجات دي قدامي وقالي جرب.
انا كنت ضايع ساعتها .. طبعا اكتر منا ضايع، المهم سمعت كلامه فعلا وشربت، وبقيت كل شوية بزود في جرعة المخدر، لحد ما جه في يوم والفلوس اللي معانا خلصت.
المهم انا وصاحبي مهوسين عموما بالكمبيوتر والهاكر والكلام ده واحنا اصلا في هندسة كمبيوتر، صاحبي قالي اننا ندخل علي موقع الديب ويب وطبعا الموقع ده خطر جدا كل الشر اللي في الدنيا متجمع في الموقع ده .
ابتدينا نشتغل من عليه ونجيب فلوس عشان نضرب بيها، لحد ما في يوم قرفت من نفسي ومن اللي انا بعمله وقررت اني اقوله اني عايز ابعد عن الموقع ده، انا كنت اشطر منه في الموضوع ده ويعتبر احنا الاتنين بنكمل بعض في الشغل ده فمكانش ينفع يستغني عني.
بس انا كنت من بره في الموقع ده وهو اللي كان بيتعامل مع القائد، المهم اللي كان بيسيب الحاجة ديه كانوا بيوصلوا ليه بالذات لو ماسكين حاجات عليه يعني بيدمر بمعني الكلمة.
صاحبي ده كلمني عشان يترجاني اني ارجع للموضوع ده وانا رفضت، رجعت البيت بعدها لقيته غرقان في دمه .... لقيته مقتول .
مدرتش بنفسي غير وانا بجري وبنزل بسرعة من البيت واهرب، لحد ما وصلت لحل اني انتحر.
فلاش باك
ياسين : وليه تموت بالشكل ده ..!
عمر : انت مين اصلا ..؟
ياسين : اعرفك بنفسي انا اسمي ياسين .
عمر : وانا عمر .
ياسين : وليه يا عمر عايز تموت ده حتي ربنا عطانا حاجات حلوة اوي .
عمر : حاجات حلوة ..؟
وهي فين الحاجات الحلوة ديه ده انا كل اللي حواليا مصايب، كل حاجة في حياتي وحشة انا اصلا وحش، هدور علي الحلو ازاي حواليا وانا اصلا وحش ..؟
ياسين : يا عمر مفيش حد وحش كله ولا حد حلو كله، كل انسان فيه الحلو وفيه الوحش بس طبعا بنسب متفاوته .
يعني مفيش حد بيبقا وحش كله كده، ولا حتي حد حلو كله كده، احنا مش ملايكه ولا حتي شياطين، تقدر تقول يا سيدي خليط ما بين الملاك والشيطان، وطبعا فيه حد بيغلب عليه الخير أكتر، وفي حد بيغلب عليه الشر اكتر.
عمر : بس انا غلب عليا الشر اكتر ومستاهلش اي
حاجة في الدنيا انا فاشل.
تعليقات
إرسال تعليق