العلاقات

الانتحار

انا هنتحر ...

وفضل عمر وهو ماشي وهو يقول وبصوت عالي انا هنتحر .

في مكان وتحديدا اسكندرية في بيت كبير علي البحر كان هذا المكان قبل عدة سنوات شئ وحاليا شئ أخر، في الماضي كان عبارة عن اجتماع للفاسدين، كان عبارة عن مغني ومعازف ومخدرات وخمر وقمار، كان فساد للمفسدين والفسدة، اما الان فهو علاج للفساد، فهو مكان تتم فيه اجتماعات علاج لزمالة المدمنين المجهولين.

 

الروح المسلوبة الجزء السابع

ياسين : اهلا بيكم يا جماعة في اجتماعنا الجديد، نبدأ بدعاء السكينة.

اللهم امنحني السكينة لأتقبل الأشياء التي لا أستطيع تغييرها، والشجاعة لتغيير الأشياء التي أستطيع تغييرها، والحكمة لمعرفة الفرق بينهما.

أعرفكم بنفسي الاول، انا ياسين 35 سنة مدمن متعافي من 10 سنيين.

كلهم : اهلا بيك يا ياسين .

ياسين : البيت ده كان زمان مكان مختلف تماما عن دلوقتي، كانت حياة تانية بمعني اصح وانا كنت في الحياة ديه برده مختلف عن دلوقتي، كنت حد كمالة عدد علي الدنيا بمعني اصح .

بعمل كل حاجة غلط من شرب خمرة للحشيش للهيروين لكل انواع المخدرات اللي في
الدنيا جربتها .. مسبتش حاجة حرفيا.

انا كنت وحيد ابويا وامي مليش اخوات وهما ماتوا في حادثة من وانا عندي 20 سنة واعمامي كلهم عايشين بره، مليش حد هنا في مصر.. طبعا عشت لوحدي .

وللاسف ادمرت بعد موتهم بمعني الكلمة، بقيت حد تاني تماما، بقيت مهمل في دراستي، بقيت مهمل في نفسي، بقيت واحد تاني، من التزامات ودراسة وحياة تانية، لشرب وسهر ومخدرات، اتقلبت حياتي 180 درجة.

وطبعا اللي ساعدني علي ده اصحاب السوء، احلي واجب قاموا بيه الحقيقة معايا .

فضلت علي الحال ده 10 سنين وانا اطلع من مادة مخدرة للتانية لحد ما بقيت عندي
حصيلة من انواع المخدرات .

لحد ما في يوم بدورعلي عرق في جسمي عشان اضرب فيه الحقنة ملقتش، كل عروق جسمي اتحرقت، انهارت وبقيت ببكي بقيت اكسر كل حاجة حواليا .

كانت جوايا حالة صراع، علي خوف، علي حالة عجيبة عمرها ما حصلتلي.

عمري ما كنت متوقع في حياتي اني هشوف نفسي في الحالة ديه، وعمري ما تصورت ان ياسين الانسان الملتزم في حياته يوصل لكل المراحل ديه .

لدرجة اني اوصل للادمان واعمل حاجات غلط كتير وابقي انسان .

للاسف حتي الكلمة دي كنت بستخسرها في نفسي، لان ربنا كرم الانسان .. كرمه فعلا، وبعدين انا اجي واعمل كده في نفسي، لا فعلا معنديش حق.

بعد ما قعدت اصرخ واكسر في كل حاجة حواليا، لقيت اذان الفجر بيأذن بيقول الله أكبر.

سعتها وقعت علي الارض وايدي اللي كانت بتكسر في كل حاجة حواليا اصبحت ضعيفة جدا انها تعمل اي حاجة، دموعي بتنزل وكل اللي كنت بعمله ساعتها اني قاعد وببكي بطريقة هستيرية .

كل اللحظات اللي مرت عليا كان شريط بيعدي قدام عيني، كل حاجة غلط عملتها كانت

قدام عيني مش راضية تفارقني.

افتكرت كلام ابويا وامي وحلمهم اني اطلع دكتور وافرحهم، بالمناسبة لما كان عندي 20 سنة كنت في 3 كلية الطب.

ولما ابويا وامي ماتوا انا سبت الكلية فترة وكانت 5 سينين الفترة دي كانت اسوء فترة في
حياتي وهي اني ادمنت المخدرات وحياتي اتقلبت تماما.

وبعدها رجعت الكلية تاني وكملت واتخرجت كمان وتخصصت في الطب النفسي .

المهم لما افتكرت كلام ابويا وامي وحلمهم وحلمي كمان اتوجعت اوي، ان ازاي اتدهور بيا الحال بالشكل ده ..؟

يومها قررت اني ارجع ياسين بتاع زمان، واني ابطل مخدرات، وابقي انسان جديد، واكمل طريقي اللي وقفته ب ايدي من 5 سينين وارجع لحياتي الطبيعية من تاني.

روحت المصحة واتعالجت وكملت كليتي وقطعت علاقتي بصحابي السوء، رجعت لياسين.

قررت اني اعمل المكان ده لمركز لمعالجة الادمان بحكم تجربتي اللي مريت بيها واللي
متاكد انها هتسيب اثر في كل واحد فيكوا وبحكم كمان اني طبيب نفسي واخصائي في
علاج الادمان .

قررت اني ابقي معاكوا عشان تساعدوني اكمل طريقي، وعشان اساعدكوا كمان تكملوا 
طريقوا.

قررت اننا نبقا معاونين بعض في اوقتنا الصعبة اللي بتمر بينا في كل لحظة، بتمرعلينا واحنا مبطليين ..هتفرق معانا كتير .

كلهم : شكرا يا ياسين.