احذري انه سم قاتل..!
الشخصية السيكوباتية
هيقولك انتي بابا وانتي ماما .. وانتي كل حاجة
هيقولك انتي الاولي والاخيرة .. والحلزونة ياما الحلزونة
 |
| الشخصية السيكوباتية |
في علاقتك مع الشخصية السيكوباتي هتكوني تايهة كدا مش عارفه انتي فين بالظبط، مفيش ملامح باينة، بيقدر يتلاعب بالكلام جداً، ويجيب ويودي ويعمل من البحر طحينة.
الشخصية السيكوباتية شاطر جداً في الكلام فبيعرف كويس إزاي يتلاعب بالألفاظ والحواديت ويقنعك ويوقع الناس في بعض بكل سهوله.
الشخصيات السيكوباتية دول ولا بيندموا ولا بيحسوا حتي لو عملوا ايه هتلاقيهم كتلة سلبية مؤذية، بكتريا متنقلة في كل مكان بيعمل كارثة.
السيكوباتي بيتعامل مع أي حد على أنه شئ .. مجرد شئ، حاجة يستعملها وقت ما يحب ويرميها وقت ما يحب.
الشخصية السيكوباتية ديماً هيحسسك إنك من غيره متقدريش تعملي حاجة هيبقي محاوطك
من كل حتة.
لازم تبقي في إيده لازم يبقي ماسك كل طرف علشان يعرف يشدك في الوقت المناسب ناحيته.
لازم هيحسسك أنه ليه فضل عليكي وإنك من غيره متساويش وإنك مش هتعرفي تعيشي حياتك من غير ما يكون ساعته موجود.
السيكوباتي هيحاربك في كل حاجة في شغلك وفي نجاحك، مش لازم ابدا تكوني أعلى
منه أول ما يحس إن الأضواء إبتدت تروح لعندك هيبقي طور هايج في عنبر سبعة.
السيكوباتي هيحاربك حتي جوا نفسك، بعد كدا هتلاقيكي بتكلمي نفسك ومخك يودي
ويجيب، هيسحلك وهيستنزف كل طاقتك.
السيكوباتي هيقلب التربيذة عليكي لو فكرتي في يوم إنك تقوليله أنت اللي غلطان في
الحاجة الفلانية أو انك المفروض كنت تعمل كذا أو كذا.
هيقلب التربيذة عليكي في أي لحظة وهيحسسك إنك في الأساس انتي اللي غلطانه وهتقتنعي بكدا وهتعتذري كمان.
الشخصية السيكوباتية ديه مرهقة لكل اللي حواليها، مش ليكي إنتِ بس، لو كنتي معاه في علاقة، هوب .. خدي البساط زي علاء الدين .. وفلسعي.
😍😍
ردحذف