الندم الايجابي
ياسين : انت ندمان ..!
عمر: اه..
اه ندمان يا ياسين انا مكنتش عايز ابقي كده
ولا اوصل للدرجة ديه، اينعم انا طول عمري مليش قيمة، بس موصلتش اني أذي نفسي بالدرجة
ديه او حتي ناس حواليا او اتسبب في شر حد.
ياسين : جميل .. عظيم.
عمر : ايه الجميل وايه العظيم يا ياسين متجنننيش..!
ياسين : لا والله .. فعلا احساسك بالندم ده اكبر دليل علي انك جواك لسه حاجة حلوة ونضيفة، احساسك ده اكبر دليل علي انك مش عاوز نفسك تستمر في كده .
بس انت عندك عدم ادارة لأمور حياتك وعدم ادراك، يعني حاجات كده محتاجة تتظبط، لكن ده ميمنعش انك عاوز تتغير ولا ايه ..؟
عمر : اه بس الاوان فات .
ياسين : اوان ايه بس يا عمر، اهو ديه مغالطة تانية، انت عندك مغلطات كده محتاجة تتظبط وتتعدل.
عمر : يعني ايه مغالطات ..؟
ياسين : يعني الفكر الخاطئ المترسخ في العقل.
بمعني، ان انت عندك افكار غلط انت فاكرها انها صح، وده من وجهة نظرك بس غلط، لكن لو حكمنا عقلنا صح بشكل علمي وده طبعا حل قاطع تماما، هتبقي الامور تمام.
يعني مثلا انت بتقول ان فات الاوان..؟
طيب نمشي واحدة واحدة...
هو ايه الاوان بالنسبالك وازاي فات ..؟
طيب نمشي واحدة واحدة...
 |
| الروح المسلوبة الجزء التاسع |
ربنا يا عمر ماقلش في اي دين ان الواحد مهما
يعمل من ذنوب انه مينفعش يرجع ويتوب ويبتدي من جديد، مهما كان سنه او حياته كانت
ماشية ازاي قبل كده او اي حاجة مهما كانت.
المهم يا عمر انه يبتدي من جديد، ربنا ما
حددش سن معين للتوبة او انه يغير حاجة غلط في حياته، طالما انك قادر علي التغيير يبقي اتغير في اي
وقت او زمان او مكان، المهم النية يا عمر.
عمر: طيب انا مدمن علي فكرة وانا قررت خلاص
اني ابدأ من جديد بس مش عارف ازاي ..؟
ياسين : طيب اعرفك بنفسي تاني..!
انا ياسين دكتور نفسي ومعالج ادمان وعندي
مركز لمعالجة الادمان والاهم من ده كله اني كمان مدمن متعافي من 10 سينين.
عمر: بجد..!
ياسين: ايوه يا عمر، وانا بعرض عليك انك تكون معانا في زمالة المدمنين
المجهولين .. موافق ؟
عمر: طبعا موافق.
ياسين : طيب يلا تعالي معايا.
عمر : ديه حكاياتي واتمني اني فعلا اتغير بجد.
ياسين : انت خلاص يا عمر انت واقف علي اول
طريق التغيير.
كلهم : شكرا يا عمر.
ننهي اجتماعنا النهارده بدعاء السكينة ونبتدي
بكره في نفس المعاد ان شاء الله.
اللهم امنحني السكينة لأتقبل الأشياء التي لا أستطيع تغييرها، والشجاعة لتغيير الأشياء التي أستطيع تغييرها، والحكمة لمعرفة الفرق بينهما.
تعليقات
إرسال تعليق