العلاقات

فلاش باك

دارين : يلا يا شباب كل واحد يطلع يشوف الاوضة بتاعته، وبعد ما تنامو وتستريحوا هنتجمع هنا بليل .

الفصل السادس والأخير "تخاريف ليلية"

في اخر الليل اجتمعوا الشباب ومعهم قائدة الرحلة "دارين".

دارين : احب الاول اعرفكوا بنفسي انا دارين، عملت حاجات كتير في حياتي واشتغلت في كذا حاجة وكذا مكان لحد ما لقيت نفسي بعمل الحاجة اللي دلوقتي بعملها وبستمتع كمان وانا بعملها.

أصل الحياة هتكون هتبقي ايه من غير ما تدوقها، وتستطعمها، وتستلذ بيها .

مكانش بالساهل اني اكون الشخصية اللي دلوقت بتسمعوا منها كل ده، بس النتيجة تستاهل كل التعب ده، تستاهل ان الواحد يعافر، تستاهل اليوم اللي انت عايشه لانه هدية جميلة.

محتاجين تعرفوا قيمتها، الحياة تستاهل ان الواحد يركز علي اللي معاه، الخوف هيقتلك هيخليك متكتف، هيخليك ديما عايش ورا، ومش قادر تشوف اللحظة اللي معاك، هيخليك تخاف من بكرا وهو في اساسه لسه مجاش، فهتبقي مش عايش دلوقتي .

انا عايزة كمان اعترف ليكوا اعتراف اول مرة اقولوا دلوقت، عايزة اقولكوا ان الحب جميل انه قادر يشفي الروح، انا عايزة اعترف انه أجمل حاجة في الدنيا، انا كمان عايزة اعترف ان الدنيا حلوة اوي، والله الدنيا حلوة.

انا قدرت اعرف انها حلوة، وقدرت استمتع بحلاوتتها، وعايزة أكملها.

انا ممتنة لحد بسبب الكلام اللي بقوله دلوقت، لانه كان له وجود كبير في اني في يوم من الايام قولت الكلمتين دول.

عايزة اقولكوا حاجة أخيرة، عمركوا ما هتعرفوا الصح ده صح ليه لانك في الاساس مشوفتش الغلط ده عامل ازاي ..؟

فعشان كدا كان لازم تغلط، لانك مش هتتعلم حاجة من الصح حتي لو مكسبتش التجربة فأنت كسبت الخبرة سواء كانت خبرة في الشغل، علاقة، او حتي لعبة .

وبما ان التجربة هتحصل هتحصل، وبما ان التمن هيدفع في جميع الاحوال، فمن الاحسن ان التجربة تكون مثمرة، وفر وقتك في التأثر، والحيرة، والندم، والالم، واتعلم من تجاربك  فرصة سعيدة ويلا هسيبكوا تستمتعوا.