العلاقات

يمكن يكون الموضوع من وجهة نظرك غير كدا، وإن كل اللي هتقراه دلوقتي كلام هيخرج خارج حدود الإنبساط والرفاهية اللامحدودة ومنطقة الراحة اللي انت قاعد فيها حاليا.

القوقعة النفسية

إحنا عايزين ننبسط شوية بقي.!
ليه كل الأفكار والكلاكيع الفظيعة اللي في دماغك.!
يعني مثلا آخرة ده كله إيه.!
يعني انت عاجبك حالك.!
 

هنا هنتكلم في موضوع محدد ومعين، يعني الكلام مش هيكون بوجه عام ولا لازم وحتماً يطبق في كل حاجة، وعلى أي حالة .. لأ.

 

هو يعني إيه عايزبن ننبسط شوية، يعني هو ده الحل للمشكلة مثلا، يلا خلاص إرميها، ومتفكرش .. وإهرب منها، وعيش في حالة من الإنبساط والهروب اللانهائي.

 

والسؤال اللي بعده هتفضل لحد إمتي كدا، ايه آخرة ده، اللي هو خلاص سيب المشكلة، يعني خلاص إسمع بقا كلامي لأن كلامي صح وإن مينفعش تفضل تفكر في المشكلة أو تأخد وقتك الطبيعي وتاخد مساحتك النفسية، خارج حدود الكلام الفولاذي العظيم، اللي ممكن يخليك وبكل بساطة تهرب من المشكلة، أو خلاص تقول أنا جبت آخري منها.

 

يعني أنت عاجبك حالك، انت هنا بتوجه كلامك للشخص اللي قدامك وكأن ليك كل الحق أنك تقوله كدا، رغم أنه بيبقي عارف اللي بيمر بيه.

وحقيقي هو مش عايز وقتها يسمع منك الكلام ده، هو بيكون محتاج أنك تسمعه، وتفهمه، وتحاول تتعامل معاه بالشكل اللي هو عاوزه، مش بالشكل اللي حضرتك عاوزه، وبتحدده، لا وكمان بتنفذه .. ده كله علشان برده شايف أنه هو ده الصح.!