تقريياً عدد لا بأس منه من الناس ممكن يسألوك السؤال ده، انت عامل ايه النهارده..؟
طيب هل جربت تسأله لنفسك، هو انا عامل إيه النهارده، مبسوط، زعلان، مجروح، سعيد، هو صحيح انت فعلا عامل ايه النهارده...؟
طيب بلاش النهارده، هو انت كنت عامل إيه إمبارح، طيب هتبقي عامل إيه بكره..؟
تهتم بنفسك كدا بدل ما تهتم بالتلاجة اللي في البيت، وانت رايح وانت جي بتعدي عليها،
جربت كدا تعدي على نفسك، يعني تعدي على مشاعرك مرة تقولها ياتري إحساسي إيه
دلوقتي..؟
 |
| التغلب على الخوف |
زعلان.... طيب ياتري زعلان ليه..؟
زهقان..... طيب ياتري زهقان ليه..؟
"أن تعرف نفسك هي البداية نحو بلوغ الحكمة" أرسطو
فيه عدد من الناس بيخافوا يدخلوا جواهم أوي، أو بيخافوا يدخلوا أصلا.!
بيخافوا يواجهوا، أو يعرفوا الحقيقة، بيخافوا طول الوقت من الخسارة مع إن الخسارة ممكن تبقي مكسب.
العلاقة اللي انت حاسس إنك تايه فيها، ومش عارف تعمل إيه، ومش متأكد من أي حاجة، انت خايف تقول لنفسك الكلام ده، انت خايف تواجه، خايف تدرك، فبتسكت.
"إن الخوف من التغيير يمثل عائقاً أمام اتخاذ تلك الخطوة التي من شأنها الحصول على علاقة أكثر إرضاءً لنا، وهذا الخوف من التغيير هو أيضاً مكون أساسي من مكونات الطبيعة البشرية". هارفيل هندريكس
الشغل اللي انت بتنزل تروحه كل يوم وانت حاسس إنك رايح تدفن نفسك، مش رايح شغلك، خايف تعبر عن اللي جواك، خايف تطلع بره القوقعة اللي انت فعلا دافن نفسك جواها، خايف تشوف حلول، خايف تفكر، خايف تدور جواك.
المواجهة مش معناها التسرع أو الإندفاعية، المواجهة هي القرار... القرار اللي هيخليك تشوف حاجات انت مش عايز تشوفها، أو مش عارف، أو خايف تشوفها، المواجهة إستراتيجية لا غني عنها.
تعليقات
إرسال تعليق